Γαζής , Θεόδωρος
Ενότητα:
Προσωπογραφικό και τοπωνυμικό αρχείο (15ος-19ος αι.)
Πρόσωπο
Γαζής , Θεόδωρος
Περισσότερα...
Περίληψη
Υπό Bandinii περιγράφοντος τον υπ΄αρ. Plut. LV cod. XXII κώδ. εκδίδεται η επιστολή: Βησσαρίωνι Καρδινάλει τω κυρίω Θεοδώρος ευ πράττειν. Ήδη ιεράν σου κεφαλήν εν Κέλτοις είναι και υγιαίνουσαν πράττειν τα εις κοινήν συντείνοντα ωφελείαν ηγούμενος ήδομαι. Εύχομαι τε επί μηδενί των πραττομένων οφθήναι την τύχην εναντιουμένην τη ση αρετή, αλλά πάντα έπεσθαι συνεπιβαλλομένην και συνεργούσαν, ίνα [τελείως] ευδαιμονής ανεμποδίστως αρετή χρώμενος, ειρηναία δε και τα κατά την Ιταλίαν εστί, συχναί τε επιγαμίαι γίνονται τω αρχιερεί προς τους τήδε δυνάστας και όλως έοικε πάσι φίλος είναι εθέλειν, και πάντας αλλήλους ομονοείν ποιείσθαι περί πολλού. Εδέξατο δ΄ εντίμως και τον παρά τοων Ρωξανών ηγεμόνος πρεσβευτήν ήκοντα επί τη πραττομένη εκ πολλού πιεγαμίας τη ση αιδεσιμωτάτη κεφαλή, τα τε περί του κήδος ετέλεσε μεγαλοπρεπώς, ως ετύγχανες δεόμενος και απεπέμψατο δη την νύμφην δωρησάμενος και ευλογήσας. Ήδε μεν ουν άπεισι προς τον άνδρα απάρασα της Ρώμης εκατογβαιώνος ενάτη φθίνοντος. Νυμφαγωγός δε εις μόνος ο παρά του αρχιερέως συναπήρεν. ο γαρ ιέρακος ουχ οίος τ ην συναποδημείν νοσήσας νεφρίτην και δυσουρίαν. Τα μέντοι προ του έως υγίαινεν, επιμελώς διώκησε πάντα και συνετώς, καν τι και προς την έξοδον παραβιάζετο αν, ως εγώ [είμαι], το σώμα, και συνοδεύειν επειράτο, καίπερ ασθενής ων, ει μη τα παρά της βασιλίσσης γλίσχρα αυτώ παντελώς απήντα, και ήκιστα ευπρεπή. Και γαρ εφόδιόν τε πολλώ του ικανού έλαττον [εκείνω] εδίδου, και ου πάνυ το προσέχειν έτι αυτώ εδόκει τον νουν συμβουλεύοντα. Καγώ δη καίπερ μηδέν εμοί διαφέρον, όμως άχθομαι υπό φιλανθρωπίας επί τη τούδε τανδρός απολήψει. Όδε γαρ μόνος εν πλείστοις τοις συναπιούσι χρησιμώτατος ην δια τε το δίγλωττον, και το προς τα έθνη, δι΄ ων η πορεία, ευομίλητον και ευμεταχείριστον. Και πείρα δε προς το συνετώτερον εν τούτω ωσάν εξ αρχής παρηκολουθηκότι τοις πράγμασι, και κατά γνώμην της σης αιδεσιμωτάτης κεφαλής πράξαντι. Αλλ' ως έοικε, δαίμων τις βάσκανος έβλαψε, ταύτα, ίνα δια πάντα ευτυχοίη τα περί την κόρην εκείνην σοι πεπραγμένα. Ανθρώπων γαρ ουδένα εγώ ονομάζειν και αιτιάσθαι εθέλω. Ουδέν γαρ εμοί διαφέρει. Και ταύτα μεν ούτως, εδώ δε διατρίβω μεν έτι εν Ρώμη, σκοπώ δε μεταβήναί που, ένθα μοι ο βίος έσται απ΄ ελαττόνων. Ουδείς γαρ εμοί χορηγεί ουδέν πλην των σης ιεράς κεφαλής. Ταυτί δε τα παρ΄ αυτής άλλοθι μεν ίσως αρκέσει, ενταύθα δε ουκ αρκεί. Ευτύχει, από Ρώμης.
Τύπος γεγονότος
Άλλο
Παραπομπή
Catalogus codicum manuscriptorum Bibliothecae Mediceae Laurentianae
Τίτλος
Catalogus codicum manuscriptorum Bibliothecae Mediceae Laurentianae
Συγγραφείς
Ang. Mar. Bandinius
Δημοσίευση
Florentiae 1764-1770, t. II
Σελίδα αναφοράς
287-288
Creative Commons
Αναφορά Δημιουργού - Μη Εμπορική Χρήση - Παρόμοια Διανομή 4.0 Διεθνές - CC BY-NC-SA
